可能因為天氣太悶熱嘅關係，學校都專程安排咗一次水上活動俾小朋友，仲吩咐小朋友可以帶備水槍；我都特登幫澄澄準備咗一支，等佢enjoy吓游水嘅樂趣。
可能係爸爸返嚟之後帶澄澄游過兩次水，所以澄澄呢次表現得都唔錯，連老師都讚佢比預期中大胆。因為之前見家長我都有提過想幫澄澄報名參加學校暑期嘅游水活動，但係澄澄唔想參加，當時老師仲幫手鼓勵澄澄；所以老師都以為澄澄會喊或者要擾攘一輪至肯落水，結果係佢玩得好開心，就算有人唔小心整濕佢，佢都無喊；就憑住對水袖，佢都可以自己游出中間，唔會再攬到你實一實唔放，真係有啲意外！
系暖水？
回覆刪除我地都想带jaden 游水， 但水太冻。