無膽鬼

澄澄越嚟越無胆，以前細細個玩韆鞦可以玩到好高，依家連上韆鞦都唔肯，就算氹到佢上去坐响度，佢都唔肯俾人搖個韆鞦，真係激死！

上星期六佢話要去公園玩單車，結果踩得一個半個圏又話唔玩。依家唯一剩返滑梯佢係肯玩，反而擒高擒低佢就最啱。

呢個月係Halloween，有次係Toys'R'us見到好多面具，佢驚到喊，幾經解釋至令佢接受面具係セ嘢嚟，唔駛再驚。原因係佢俾Danzel表哥用頭盎嚇過，自此就好怕類似面具嘅物體。


不過問佢要唔要着南瓜衫扮南瓜，佢就唔制，貪靚要扮公主。所以最後都係買咗套天使造型嘅服飾俾佢用嚟返學開party用。