今晚澄澄喺度睇電視嘅時候，一連問咗我六、七個'佢做乜咁'，等於其他小朋友問'點解'，問到我投降。後來我問返佢點解佢噙日唔聽話，點解噙日食飯唔坐定定，點解佢噙日唔乖....於是乎佢停咗唔再向我發問。可能咁樣停止咗佢嘅發問唔係咁好，但係真係解得我一有啲吃力。
近日佢又有啲咳同鼻水，食咗藥之後變得好忟憎，好臭脾氣。平時佢最高興見到嘅姑媽，有晚姑媽上嚟探佢，佢都唔同姑媽玩，宁願要姐姐。後來姐姐做完嘢出嚟，佢就問姐姐：'姐姐係咪做完嘢喇？... 好嘢，澄澄好開心。' 佢仲開心到响個廳度跳嚟跳去，真係激死。呢啲就係小鬼佢地天真而又無機心嘅一面，但係事實有時就係好傷人心！我諗嗰一刻姑媽心裡面都可能有種酸溜溜嘅感覺？！
沒有留言:
發佈留言