好感動...

今日澄澄同我講發生咗一件事令佢好感動，於是我問佢來龍去脈...

事源放學嘅時候，佢同其他小朋友去公園玩，佢爬一張拱形樓梯上滑梯嘅時候，突然坐咗响度唔上唔落，呢個時候，佢嘅同學仔Aden行埋去教佢點樣用腳撑起身再上埋去，就係咁，佢話覺得好感動，Aden好好人，搞到佢想同佢結婚..... 吓? 佢講嘅時候仲好感動，話有啲想喊，真係感情豐富!

我同佢講返朋友係應該互相幫忙架，咁容易就要同人結婚，咪好多老公?

大人=工人?

澄澄漸漸長大，把口講嘢有時令人哭笑不得。

有次爸爸同佢傾計，佢話想做大人，於是爸爸同佢講，做大人要識得洗碗、抹地、自己洗衫... 澄澄聽完後就話：我係要做大人，唔係做工人呀！